Dünya Azərbaycanlılarının V Qurultayının ölkəmizin mədəniyyət
paytaxtı Şuşa şəhərində keçirilməsinə dair məlumatlandırma
xarakterli kampaniyaya start verilib.
Diasporla İş üzrə Dövlət Komitəsindən AzerTimes-a verilən məlumata görə, artıq
paytaxt Bakıda və Şuşa istiqamətində yollarda qurultayın başlanması
ilə bağlı lövhələr yerləşdirilib.
Lövhələrdə Şuşanın görüntüsü fonunda V Qurultay barədə qısa
məlumat və şüarlar əks olunub.