Dövlət Sərhəd Xidməti kafedə qətlə yetirilən əməkdaşı barədə məlumat yayıb.
AzerTimes məlumatın mətnini təqdim edir:
“Mart ayının 16-da saat 00:30 radələrində Dövlət Sərhəd Xidmətinin hərbi qulluqçusu baş gizir Cəsarət Baxış oğlu Vəliyev xidmətdən sonra baş vermiş hadisə nəticəsində vəfat edib.
Baş Gizir Cəsarət Vəliyev, 44 günlük “Vətən Müharibəsi”ndə və 12-14 sentyabr Ermənistanın genişmiqyaslı təxribatlarının qarşısının alınması zamanı döyüş əməliyyatlarında şəxsi igidlik və şücaət nümayiş etdirərək “İgidliyə görə”, “Cəbrayılın azad olunmasına görə” və Zəngilanın azad olunmasına görə” medalları ilə təltif edilib.
Baş vermiş hadisə ilə əlaqədar Azərbaycan Respublikasının Baş Prokurorluğu və Daxili İşlər Nazirliyi tərəfindən Dövlət Sərhəd Xidməti ilə əlaqəli şəkildə istintaq-əməliyyat tədbirləri həyata keçirilir.
Dövlət Sərhəd Xidmətinin rəhbərliyi vəfat etmiş hərbi qulluqçunun ailəsinə və yaxınlarına dərin hüznlə başsağlığı verir”.
Qeyd edək ki, bu gün Bakıda kafelərin birində musiqi sifarişinə görə dava düşüb. Nəticədə DSX əməkdaşı Cəsarət Vəliyev qətlə yetirilib.