ABŞ müharibədə Rusiyaya yardım göstərəcəyi təqdirdə müttəfiqlərinin Çinə qarşı sanksiyalar tətbiq etməyə nə dərəcədə hazır olduğunu anlamağa çalışır.
AzerTimes xəbər verir ki, bu barədə “Röyters” ABŞ rəsmilərinə istinadən məlumat yayıb.
“Məsləhətləşmələr ilkin mərhələdədir və ilk növbədə G7 ölkələri ilə aparılır. Hansı mümkün məhdudiyyətlərin müzakirə oluna biləcəyi göstərilmir. ABŞ-ın məsləhətləşdiyi ölkələrdən birinin nümayəndəsi bildirib ki, Çinin Rusiyaya hərbi yardım göstərmək niyyətilə bağlı bir neçə kəşfiyyat məlumatı təqdim edilib”,-məlumatda bildirilib.
Qeyd edək ki, ABŞ dövlət katibi Entoni Blinken müharibə zamanı Moskvaya kömək edəcəyi təqdirdə Pekinə qarşı sanksiyalar tətbiq ediləcəyini bildirmişdi.