Çin lideri Si Szinpin Pekində Bill Qeytslə görüşüb.
AzerTimes xəbər verir ki, Si Szinpin bütün dünyada yoxsulluğun azaldılması, səhiyyə, və xeyriyyəçiliyin inkişafında Qeytsin və onun fondunun işini yüksək qiymətləndirib.
“Hazırda dünyada son yüz ildə görünməmiş nəhəng dəyişikliklər baş verir. Mən qlobal problemlərin həlli ilə bağlı Çin variantını təklif etmək üçün Qlobal İnkişaf Təşəbbüsünü, Qlobal Təhlükəsizlik Təşəbbüsünü və Qlobal Sivilizasiya Təşəbbüsünü irəli sürdüm”, – deyə, Szinpin bildirib.