Xəbər - Orxan Nəbiyev – Trend:
Cənubi Koreya sahillərində Çinə məxsus balıqçı qayığı batıb.
Trend-in məlumatına görə, hadisə nəticəsində bir nəfər həlak olub. İki nəfərin itkin düşdüyü bildirilir.
Qeyd olunur ki, qəza Cənubi Koreyanın müstəsna iqtisadi zonasında baş verib. Hadisə zamanı qayıqda 15 nəfər olub. Onlardan 12 nəfəri xilas edilib.
İtkin düşən iki nəfərin axtarışları aparılır.