Cəlilabad rayonunda yol qəzası baş verib.
AzerTimes-ın Report-a istinadən məlumatına görə, hadisə Uzuntəpə kəndində qeydə alınıb. Belə ki, “Qazel” markalı yük avtomobili ilə “Mersedes” markalı minik avtomobili toqquşub. Hadisə nəticəsində rayon sakini, 1986-cı il təvəllüdlü Rəşad Quliyev və daha bir nəfər xəsarət alıb.
Yaralılar Cəlilabad rayon Mərkəzi Xəstəxanasına aparılıb.
Faktla bağlı araşdırma aparılır.