Rusiyanın “IrAero” aviaşirkəti aprelin 2-dən Omsk-Bakı reysinə başlayacaq.
AzerTimes xəbər verir ki, bu barədə Omsk hava limanının mətbuat xidmətindən məlumat verilib.
“IrAero” aviaşirkəti Omsk-Bakı reysinə biletlərin satışına başlayıb. Azərbaycanın paytaxtına ilk uçuş aprelin 2-də həyata keçiriləcək.
Qeyd edilib ki, bu şəhərlər arasında sonuncu dəfə birbaşa uçuşlar 2014-cü ildə həyata keçirilib.
Uçuşlar həftədə bir dəfə “Superjet 100” təyyarəsi ilə həyata keçiriləcək. Təyyarə çərşənbə axşamı saat 02:50-də Omska çatacaq və yerli vaxtla saat 04:00 radələrində əks istiqamətə yola düşəcək.
Səyahət vaxtı üç saat yarımdır”, – məlumatda bildirilib.