Şərqi Avropada vəziyyətin kəskinləşməsindən sonra Norveç qitənin yanacaq təhlükəsizliyində getdikcə daha qabarıq rol oynamağa başlayıb.
AzerTimes xəbər verir ki, bu barədə “Vaşinqton Post”un yazarı Emili Rauhalanın qeydə aldığı məqalədə bildirilib.
Qeyd olunub ki, Norveç enerji böhranından istifadə edərək qiymətlərin bahalaşmasında rol oynayıb. Oslonun bu addımını Qərb ekspertləri ədəbsizlik adlandırıb.
Məqalədə vurğulanıb ki, Krallıq bu il neft sektorundan 109 milyard dollar alacaq ki, bu da ötən illə müqayisədə 82 milyard dollar çoxdur.
Norveç hakimiyyəti isə öz növbəsində spekulyasiya ilə bağlı bütün ittihamları rədd edir və bazarda qıtlıq səbəbindən resursun qiymətinin qaçılmaz olaraq yüksək olduğunu bildirir.