İstanbul. Elçin Mehdiyev – Trend:
“Petkim Türkiyə”nin yeganə neft-kimya kompleksidir. Bu il, yəni 2021-ci il şirkət üçün çox uğurlu bir il olub.
AzerTimes-ın məlumatına görə, bunu “SOCAR Türkiyə”nin baş direktoru Zaur Qəhrəmanov Azərbaycan media nümayəndələri üçün keçirdiyi mətbuat konfransında deyib.
Z.Qəhrəmanov bildirib ki, bu il Petkimin gəlirləri rekord həddə olacaq: “İl hələ bitməyib, ancaq artıq bizim gəlirlərimiz rekord həddədir”, – deyə Z.Qəhrəmanov qeyd edib.
O vurğulayıb ki, “Petkim Türkiyə”nin neft-kimya məhsullarına olan tələbatının 17 faizini qarşılayır.
Z.Qəhrəmanov vurğulayıb ki, Petkim kompleksi ildə 3.6 milyon ton fərqli neft-kimya məhsulları istehsal edir və onun 50 faizi Türkiyənin daxili bazarlarına , 40 faizi isə Avropaya, Koreyaya və digər ölkələrə ixrac edilir.