Qırğızıstan və Özbəkistan dövlətlər arasında sərhədlərin razılaşdırılması prosedurunun başlanmasına imkan verən protokol imzalayıb.
AzerTimes xəbər verir ki, bu barədə Qırğızıstan Nazirlər Kabineti məlumat yayıb.
“Qırğızıstan-Özbəkistan dövlət sərhədinin delimitasiyası və demarkasiyası üzrə hər iki hökumətin nümayəndə heyətlərinin keçirdiyi birgə iclasın protokolunu imzalayıb”, – məlumatda qeyd olunub.
Qeyd edək ki, sənəd Qırğızıstan Nazirlər Kabinetinin sədr müavini Kamçıbek Taşiyev və Özbəkistanın Baş naziri Abdulla Aripov tərəfindən imzalanıb.