İyulun 21-də premyerası olan “Barbi” filmi həftəsonu ABŞ-da 155 milyon dollar gəlir gətirib.
AzerTimes xəbər verir ki, bu barədə “Varner Bros” kinostudiyasının daxili distribusiya şöbəsinin rəhbəri Ceff Qoldşteyn bildirib.
“Biz ilk həftəsonu 75 milyon dollar qazanacağımızı düşünürdük. Heç kim 155 milyon dollar gözləmirdi”, – Qoldşteyn məlumatda qeyd edilib.
Rejissor Kristofer Nolanın çəkdiyi və “nüvə bombasının atası” adlandırılan amerikalı fizik Robert Oppenhaymerin həyatından bəhs edən “Oppenhaymer” isə həftəsonu ən çox gəlir gətirən ikinci film olub. Bu film 80,5 milyon dollar qazanc gətirib.