Brüssel Bakıya Ermənistan-Azərbaycan sərhədində həyata keçirdiyi patrul xidməti haqqında məlumat verir.
Globalinfo.az xəbər verir ki, bu məlumatı “Politiko” qəzeti özünün Avropa Birliyinin diplomatik xidmətindəki adını çəkilməsini istəməyən yüksək vəzifəli məmuruna istinadən yayıb.
“Biz Azərbaycanla patrul xidməti barədə bütün aktual məlumatları paylaşırıq. İstəmirik ki, hansısa problem olsun”, – o bildirib.
Qeyd edək ki, Ermənistan sərhədindəki Avropa Birliyi Mülki Missiyası İrəvanın xahişi əsasında əraziyə yerləşdirilib. Moskva İrəvanın bu addımı qətiyyən dəstəkləmədiyini bildirir.