Böyük Britaniya Rusiya Silahlı Qüvvələrinin 12 yüksək rütbəli zabitinə qarşı sanksiya tətbiq edib.
AzerTimes xəbər verir ki, bu barədə Britaniya hökumətindən məlumat verilib.
“Rusiya Silahlı Qüvvələrinin 12 yüksək rütbəli komandiri, o cümlədən Ukrayna şəhərlərinə zərbələr endirən bölmələr sanksiyalara məruz qalıb”, – sənəddə deyilib.
Qeyd edilir ki, sanksiyalar siyahısına daxil edilənlər içərisində 4-cü Tank Diviziyasının komandiri, polkovnik Yevgeni Juravlyov, 1-ci Tank Ordusunun raket və artilleriya qoşunlarının komandiri, polkovnik Georgi Şuvayev, 144-cü motoatıcı diviziyasının komandiri, general-mayor Oleq Çokov da var.