BMT baş katibi Antonio Quterreş Rusiyanın mülki şəxslərə və infrastruktura qarşı hücumunu pisləyir, bu cür pozuntulara görə cavabdehliyə çağırışını təkrarlayır.
AzerTimes xəbər verir ki, bu barədə BMT Baş katibinin sözçüsü Stefan Düjarrik məlumat yayıb.
O əlavə edib ki, baş katib bu gün Rusiyanın Ukraynanın mərkəzində yerləşən Vinnitsa şəhərini raket atəşinə tutması nəticəsində üçü uşaq olmaqla azı 22 nəfərin ölümünə və 100-dən çox insanın yaralanmasına səbəb olmasından dəhşətə gəlib.