ABŞ Dövlət katibi Entoni Blinken və Qərb ölkələrinin xarici işlər nazirləri Rusiyanın xarici işlər naziri Sergey Lavrovun sədrliyi ilə keçirilən BMT Təhlükəsizlik Şurasının iclasında iştirak etmirlər.
AzerTimes xəbər verir ki, bu barədə TASS məlumat yayıb.
Görüşdə ABŞ-dan BMT-dəki daimi nümayəndəsi Linda Tomas-Qrinfild iştirak edir. Rusiyada casusluqda təqsirli bilinən və onunla birlikdə BMT-yə gələn Pol Uilanın bacısı iclasda çıxış etməyib, sadəcə, Təhlükəsizlik Şurasının zalına girməzdən əvvəl mətbuata açıqlama verib.
İclasda daimi nümayəndələr səviyyəsində Böyük Britaniya və Fransa da iştirak edir.
İclasa BƏƏ-nin dövlət naziri Xəlifə Şahin əl-Marar, Qabonun xarici işlər nazirinin müavini Erman İmmonqo, xarici işlər və regional inteqrasiya nazirinin müavini Tomas Mbomba, Kuba xarici işlər nazirinin birinci müavini Xerardo Penalver Portal qatılıb.