Türkiyə Azərbaycan, Qazaxıstan və Gürcüstanla Şərq-Qərb Orta Dəhliz məsələsində üçtərəfli və dördtərəfli mexanizmlər qurub.
AzerTimes xəbər verir ki, bunu Türkiyənin xarici işlər naziri Mövlud Çavuşoğlu deyib.
“Ümid edirəm ki, Ermənistan da bu prosesə daxil olar. Yəni sülh yolunda səmimi addımlar atar. Son zamanlar müzakirələrlə bağlı təəssüf ki, geri addımlar gördük. ABŞ Dövlət katibi Entoni Blinken Ermənistan Baş naziri Nikol Paşinyanın səmimi olduğunu söylədi, amma bunu sözdə deyil, əməldə görmək istəyirik”, – Çavuşoğlu bildirib.
Çavuşoğlu Türkiyə ilə Ermənistan arasındakı normallaşma prosesindən də danışıb:
“Rahatlıqla qardaş, can Azərbaycan adından da danışa bilərəm. Türkiyə və Azərbaycan normallaşma məsələsində səmimidir”.