Avrointeqrasiya kursunu təyin edən Moldova hakimiyyəti ölkənin Avropa Birliyinə daxil olması ilə bağlı Brüssellə danışıqlara hazır deyil.
AzerTimes xəbər verir ki, bunu Moldovanın keçmiş xarici işlər naziri Tudor Ulyanovski deyib.
“Mövcud hökumət ölkənin AB-yə daxil olması ilə bağlı danışıqlara hazır deyil. Peşəkarlar yoxdur, aydın baxış yoxdur. Və sual yaranır: niyə danışıqlara başlamaq barədə elan edilmiş qərardan bir ay sonra Moldovada heç bir danışıqlar bazası yoxdur? Danışıqlar planı, əsas danışıqları aparan yoxdur. İctimai məkanda çox adların olduğunu eşidirəm, amma bu, hökumətin nə qədər süst olduğunu, sistemli yanaşmasının olmadığını göstərir. Bu gün Moldovada heç bir danışıqlar qrupu belə yoxdur”, – keçmiş XİN başçısı qeyd edib.