Təhlükəsizlik üçün Baydenə Lvova səfər etmək təklif olunub. Ancaq o, bundan imtina edib.
AzerTimes xəbər verir ki, bu sözləri politoloq Elxan Şahinoğlu qeyd edib.
O bildirib ki, Rusiya rəsmiləri ard-arda ABŞ Prezidenti Co Baydenə Kiyevə getməsi üçün təhlükəsizlik təminatı verdiklərini elan edirlər:
“Yəni demək istəyirlər ki, Bayden Kiyevdə olduğu saatlarda Ukraynanın paytaxtına zərbə endirməyəcəkdilər. Bu açıqlamalar Baydeni aşağılamaq məqsədi daşıyır. Guya Kreml təhlükəsizlik təminatı verməsəydi, ABŞ Prezidenti Kiyevə ayağını basmayacaqdı.
Əlbəttə, Co Bayden Kiyevə gəlmədən öncə ABŞ kəşfiyyat strukturları prezidentin təhlükəsizliyi üçün bütün tədbirləri görüblər. Ancaq Kremlin təhlükəsizlik təminatına inanmaq olarmı?
Baydenə ukraynalı həmkarı Vladimir Zelenski ilə Polşa-Ukrayna sərhədinə yaxın Lvov şəhərində görüşməyi təklif ediblər. O, bu təklifi rədd edərək Kiyevə gəlib”.