Ukrayna qoşunları Rusiya qoşunlarının intensiv və davamlı hücumlarına baxmayaraq, son bir neçə gündə Baxmutda cəbhə xəttini stabilləşdirib.
AzerTimes xəbər verir ki, bunu Ukrayna Milli Qvardiyasının leytenantı Vladimir Nazarenko deyib.
O qeyd edib ki, ruslar Baxmutka çayını keçməyib, şəhərin mərkəzi isə Ukrayna müdafiəçilərinin nəzarətində qalır:
“Baxmutda hər saat cəhənnəmə bənzəyir. Düşmən bir həftə əvvəl Baxmutun şimalında, şimal-qərbində uğur qazanıb. İndi də düşmən zəif yer tapmağa, şimalda psixoloji hədə-qorxu əməliyyatları keçirməyə çalışır. Lakin Ukrayna hərbçiləri yaxşı cavab verirlər”, – Nazarenko bildirib.