Şamil Basayev və Xəttabın dəstəsinin iki üzvü Stavropol və Tomskda saxlanılıb.
AzerTimes xəbər verir ki, bu barədə Rusiya Federal Təhlükəsizlik Xidmətinin yaydığı məlumatda qeyd olunub.
Məlumata görə, 2000-ci ilin martında Çeçenistanın Ulus-Kert kəndi yaxınlığında 84 Pskov desantı da daxil olmaqla 99 rus hərbçisinin öldürüldüyü əməliyyatda iştirak edən Rusiya vətəndaşları Beqeldiyev T.X. və Elmanbetov A.S. həbs olunublar.
Saxlanılan şəxslər Rusiya Cinayət Məcəlləsinin silahlı qiyam, mütəşəkkil qruplaşmalarda iştirak və hərbçilərin həyatına qəsd edilmə maddələri ilə ittiham olunurlar.