Azərbaycanda çalışan əcnəbi diplomatlar ölkələri üçün müxtəlif hesabatlar hazırlayırlar. Son vaxtlar bölgədə artan gərginlik səbəbindən işlərinin həcmi artıb, olayları özləri üçün aydınlaşdırmağa çalışırlar. Diplomatlardan birinin maraqlı sualı ilə üzləşdim: “Qarabağdakı ermənilərin sosial durumu həqiqətən ağırdır, yoxsa məsələni şişirdirlər?” Ona cavabımda internetdə Xankəndidə toy videolarını izləməyi məsləhət gördüm.
AzerTimes xəbər verir ki, bu sözləri politoloq Elxan Şahinoğlu yazıb.
O bildirib ki, diplomatın da həmin videonu izlədiyi məlum olub:
“O da ermənilərin rola girdiyi qənaətindədir. Xarici ölkə diplomatları onu da anlayırlar ki, Qarabağ ermənilərinin Azərbaycan qanunlarını qəbul etməkdən başqa alternativləri yoxdur. Onlar hökumətlərinin Azərbaycana təzyiq etməyəcəklərini bildirirlər”.