Azərbaycanın mövqeyindən asılı olmayaraq Ermənistan tərəfi regionda sülh gündəliyinə sadiqdir.
AzerTimes xəbər verir ki, bunu Ermənistan Baş naziri Nikol Paşinyan parlamentdə çıxışı zamanı bildirib.
“Biz sülh gündəmindən əl çəkməmişik, imtina etmirik və vaz keçməyəcəyik. Bu, çox mühüm bəyanatdır, çünki bu, bizim siyasi baxışımızdır və biz sülh gündəmini Azərbaycanın məntiqinə uyğun olaraq elan etməmişik. Bizim məntiqimizə görə, təbii ki, sülh anlayışı ilə – bu, birtərəfli proses deyil, amma məsələn, Azərbaycan sülh gündəmindən geri çəkilirsə, bu o demək deyil ki, biz də ondan əl çəkməliyik”, – o deyib.
Onun fikrincə, belə olan halda, daha dərin əsaslandırmalar və daha çox arqumentlər gətirmək lazım gələcək.