İyunun sonunda Bakıda Qoşulmama Hərəkatının Parlament Şəbəkəsinin iclası keçiriləcək. Biz həmin toplantıda iştirak etməyi düşünürük.
AzerTimes xəbər verir ki, bunu Türkiyə Böyük Millət Məclisinin (TBMM) sədri Mustafa Şəntop azərbaycanlı jurnalistlərə açıqlamasında bildirib.
“Bir millət, iki dövlət” ifadəsi bizim üçün nəğmə deyil, həm də əməldə fəaliyyətlərimizi və əlaqələrimizi formalaşdıran amildir. Məhz bu anlayışla bir ay ərzində Sahibə Qafarova ilə üç görüş keçirdik. İkitərəfli görüşümüzdə həm gördüyümüz işləri, qarşıdakı fəaliyyət planımızı, Azərbaycan-Türkiyə-Pakistan və Azərbaycan-Türkiyə-Gürcüstan parlament sədrlərinin üçtərəfli görüş mexanizmlərini müzakirə etdik. Hər zaman olduğu kimi, bu görüşdə də iki qardaş ölkə münasibətləri baxımından faydalı görüş oldu”, – Şəntop qeyd edib.