![Bakıda əl qumbaraları tapıldı – Video Bakıda əl qumbaraları tapıldı – Video](https://azertimes.az/wp-content/uploads/bakida-el-qumbaralari-tapildi-video-300x185.jpg)
![](https://azertimes.az/wp-content/uploads/bakida-el-qumbaralari-tapildi-video.jpg)
Fövqəladə Hallar Nazirliyinin “112” qaynar telefon xəttinə Bakı şəhəri, Sabunçu rayonunda hərbi sursatın aşkar edilməsi barədə məlumat daxil olub.
Nazirlikdən AzerTimes-a verilən məlumata əsasən, dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatın döyüş tətbiqinə yararlı 1 ədəd F-1 və 1 ədəd M-26 əl qumbarası olduğu müəyyən edilib.
Sursatlar XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.
Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.