Bakı Şəhər Dövlət Yol Polisi İdarəsi “Formula 1” Azərbaycan Qran-prisi ilə əlaqədar sürücülərə müraciət edib.
AzerTimes xəbər verir ki, idarənin baş inspektoru polis mayoru Araz Əsgərli paytaxt ərazisindəki bəzi küçə və prospektlərdə yeni hərəkət sxeminin müəyyən olunduğunu deyib.
“Sürücülərimizin diqqətinə çatdırmaq istəyirik ki, “Formula 1 Azərbaycan Qran Pri” yarışı ilə əlaqədar paytaxtımızın istiqaməti dəyişdirilmiş və məhdudlaşdırılmış küçə və prospektlərinə yeni hərəkət sxemi müəyyən olunub. Belə ki, Azadlıq prospekti ilə sola, Dilarə Əliyeva, Kövkəb Səfərəliyeva, şəhərdən çıxış istiqaməti təmin edilib. Əlavə olaraq Azadlıq prospekti-Nizami küçəsi ilə sağa, Kövkəb Səfərəliyeva-Yusif Səfərov küçələri ilə də hərəkət müəyyən olunub”, – A.Əsgərli bildirib.
“Sürücülərdən bu günlərdə xüsusi ilə şəxsi nəqliyyat vasitələri ilə hərəkəti maksimum məhdudlaşdırmağı, daha çox ictimai nəqliyyata üstünlük verməyi xahiş edirik”, – DYP rəsmisi vurğulayıb.