Bakıda ana və azyaşlı övladını avtomobil vuraraq ağır xəsarət yetirib.
AzerTimes-ın Report-a istinadən məlumatına görə, hadisə Xətai rayonunda qeydə alınıb.
Metronun “Həzi Aslanov” stansiyasının yaxınlığında yolu keçən 1990-cı il təvəllüdlü Qənirə Rasim qızı Əhmədova və onun 6 yaşlı övladı Murad Abbas oğlu Əhmədovu avtomobil vurub.
Hər iki yaralı təcili tibbi yardımın köməkliyi ilə xəstəxanaya çatdırılıblar. Q.Əhmədovaya sağ ayağın sınığı və bədənin müştərək travması, M.Əhmədova isə qapalı kəllə-beyin travması, baş-beyinin ağır dərəcəli əzikləri və komatik vəziyyət diaqnozları qoyulub.
Hadisənin təfərrüatı araşdırılır.