Xəbər - Cani Babayeva – Trend:
Martın 10-da Bakı Milli Gimnastika Arenasında Akrobatika
gimnastikası üzrə dünya çempionatının açılış mərasimi
keçirilib.
Trend-in
məlumatına görə, mərasim zamanı iştirakçı ölkələrin bayraqları
nümayiş etdirilib.
Bundan başqa, idmançı, məşqçi və hakimlərin andiçmə mərasimi baş
tutub. İdmançılar adından Azərbaycan gimnastı Ağasif Rəhimov and
içib.
Daha sonra gimnastika şousu keçirilib, azərbaycanlı gimnastlar
milli musiqi motivləri altında parlaq elementlər nümayiş
etdirib.
Qeyd edək ki, martın 10-13-də Milli Gimnastika Arenasında
akrobatika gimnastikası üzrə Bakıda ilk dəfə olaraq dünya
çempionatı keçiriləcək. Yarışlarda 17 ölkədən 170 gimnast iştirak
edəcək.
4 gün davam edəcək yarışlarda idmançılar qadın, kişi və qarışıq
cütlükləri, eləcə də qadın və kişi qrupları proqramlarında balans,
temp və qarışıq hərəkətlər üzrə çıxış edəcəklər.
Yarışda ölkəmizi gənclər arasında Avropa çempionları Daniel
Abbasov və Murad Rəfiyev kişi cütlüyü tərkibində təmsil edir.
Qarışıq cütlüklər tərkibində isə beynəlxalq turnirlərin qalibləri
Sabir Ağayev və Mehriban Salamova, Avropa çempionatının gümüş və
bürünc mükafatçıları Ağasif Rəhimov və Raziyə Seyidli mübarizə
aparacaqlar.
Xatırladaq ki, 2018-ci ildə ölkəmiz ilk dəfə akrobatika
gimnastikası üzrə Dünya kubokuna, bu il martın 3-dən 6-dək isə bu
növ üzrə 12-ci Dünya Yaş Qrupları Yarışlarına ev sahibliyi
edib.
(Tərcümə: Orxan Nəbiyev. Foto: Zaur Mustafayev)