Azərbaycan Rusiya və Belarusun Olimpiya Oyunlarında çıxış etməsi üçün birbaşa dəstək göstərib. Bakı 2024-cü il Olimpiya Oyunlarına ev sahibliyi edən Fransadan dünya idmanını siyasiləşdirməklə məhv etməyə son qoymağı tələb edib.
AzerTimes xəbər verir ki, bunu rusiyalı politoloq Sergey Markov deyib.
“Azərbaycan Rusiya və Belarus idmançılarına milli mənsubiyyətinə görə ayrı-seçkiliyin yolverilməz olduğunu, bu idmançılara Rusiya və Belarus milli bayraqları altında yarışmaq hüququ verilməli olduğunu bəyan edib”, – o bildirib.
Qeyd edək ki, bundan əvvəl Rusiya Xarici İşlər Nazirliyi dünya idmanına göstərdiyi köməyə görə Azərbaycana təşəkkür edib. Moskva vurğulayıb ki, Rusiya Qoşulmama Hərəkatının rusların Parisdə keçiriləcək Olimpiada və Paralimpiya oyunlarında iştirakı ilə bağlı xüsusi bəyannamə qəbul etməsi faktını alqışlayır.