Rumıniyanın təbii qaz anbarları hazırda 77 faiz doludur.
AzerTimes xəbər verir ki, bunu ölkənin energetika naziri Sebastyan Burduja AGERPRES milli xəbər agentliyinə müsahibəsində bildirib.
Onun sözlərinə görə, sentyabrın 1-dək anbarlar 90 faizdən çox dolu olacaq. “Qış çox sərt keçərsə, bizim “Romqaz”ın Azərbaycanla bağladığı müqaviləni işə salaraq 1 milyard kubmetr qaz ehtiyacımızı ödəmək imkanı var”, – deyə nazir vurğulayıb.
Nazir qeyd edib ki, Qara dənizdəki Neptun dərinliyindən təbii qazın nəqli üçün lazım olan infrastruktur hasilat başlayanda, 2027-ci ilə qədər hazır olacaq. Uzunluğu 308,3 km olan Tuzla-Podişor qaz kəməri Qara dənizdən qazın Qərbi Avropaya çatdırılması üçün nəzərdə tutulub. O, qazı Neptun Deep sahəsindən Bolqarıstan, Rumıniya, Macarıstan və Avstriyanı birləşdirən BRUA qaz kəmərinə nəql edəcək.