İsveçin Stokholm şəhərində yaşayan azərbaycanlılar yanvarın 21-i, saat 14:00-da Türkiyəyə dəstək aksiyası keçib.
Bu barədə AzerTimes-a İsveçdə yaşayan güneyli fəal Abdulla Əmir Haşimi Cavanşir məlumat verib.
O bildirib ki, aksiya Avropa Demokrat Türklərinin İsveç bölməsi dərnəyinin başçısı Özər Əkə tərəfindən təşkil olunub:
“İki saat davam edən nümayişdə çıxışlar oldu, bəyanat verdik. İştirakçılar əllərində Türkiyə bayraqları tutaraq, İstiqlal marşı və İsveçin milli himnini səsləndirdi. Türkiyə bu gün regionda sülhü qoruyan bir gücə çevrilib. Sülh naminə səylərini əsirgəməyib. Çox təəssüf ki, terrorçu qruplar, Ermənistan və İran tərəfdarları, eləcə də Yunanıstan, Fransa Türkiyənin inkişafını qəbul edə bilmir. Düşmən qüvvələr onun gücünü zəiflətmək istəyir. Odur ki, Türkiyəyə, Ərdoğana qarşı Avropada və İsveçdə əks-təbliğat aparırlar. Biz azərbaycanlılar bir millət, iki dövlət olaraq dəstəyimizi nümayiş etdirdik”, – o əlavə edib.