Ukraynanın Kiyev şəhərində WAKO təqviminə uyğun olaraq Kikboksinq üzrə beynəlxalq turnir “Wizard open” keçirilib.
AzerTimes xəbər verir ki, turnirə Azərbaycan kikboksinq federasiyasının idmancıları və hakimlər kollegiyasının sədri beynəlxalq “A” dərəcəli hakim Aydın Ağabəyov da dəvət edilib.
Aydın Ağabəyov turnirin final döyüşlərini və qala gecəsini idarə edib.
O, yarışın seçilmiş hakimi kimi Ukrayna Kikboksinq federasiyasının prezidenti Olga Pavlenko tərəfindən mükafat alıb.