Sənaye zonalarında 2,4 mlrd. manat dəyərində məhsul istehsal edilib.
AzerTimes-ın məlumatına görə, bu barədər iqtisadiyyat naziri Mikayıl Cabbarov “Twitter” səhifəsində yazıb.
“Sənaye zonaları #iqtisadiyyat-ın diversifikasiyasında, xüsusilə qeyrineft sənayesinin inkişafında mühüm rol oynayır. 2021-ci il ərzində sənaye zonalarında 2,4 mlrd. manat dəyərində məhsul istehsal edilib ki, bu da əvvəlki illə müqayisədə 88,3% çoxdur.
Ötən il sənaye zonalarının qeyri-neft sənaye istehsalında payı 15,5%-ə yüksəlib, qeyri-neft sənaye istehsalının artımındakı payı isə 30% təşkil edib”, – deyə M.Cabbarov qeyd edib.