Azərbaycan və Türkiyə arasında sürücülük vəsiqələri qarşılıqlı tanınacaq.
Bununla bağlı Türkiyənin Azərbaycandakı səfirliyindən b7ildirilir ki, Türkiyə Prezidenti Rəcəb Tayyib Ərdoğan 15 mart 2016-cı ildə Ankarada imzalanan “Türkiyə Respublikası Hökuməti ilə Azərbaycan Respublikası Hökuməti arasında sürücülük vəsiqələrinin qarşılıqlı tanınması və dəyişdirilməsi haqqında” Sazişi təsdiq edib. Türkiyə Prezidenti Azərbaycanla əməkdaşlıq istiqamətində mühüm addım olan bu sənədi 27 iyun 2020-ci il tarixdə təsdiqləyib.
Qeyd edək ki, Prezident İlham Əliyev “Azərbaycan Respublikası Hökuməti ilə Türkiyə Respublikası Hökuməti arasında sürücülük vəsiqələrinin qarşılıqlı tanınması və dəyişdirilməsi haqqında” 2016-cı il martın 15-də Ankara şəhərində imzalanmış Sazişi 20 may 2016-cı ildə təsdiq edib.