Xəbər - Ləman Zeynalova – Trend:
Azərbaycan qazının Bolqarıstana nəqlini nəzərdə tutan Yunanıstan-Bolqarıstan interkonnektorunun (IGB) tikintisinin iki ən çətin mərhələsindən biri olan Maritsa çayının dibində üfüqi qazma üsulu ilə boru kəməri keçidinin tikintisi başa çatıb.
Trend-in məlumatına görə, bu barədə ICGB AD layihə şirkətinin icraçı direktoru Teodora Georgiyeva deyib.
Onun sözlərinə görə, bu hissə çayın mənbəyinin geologiyası ilə əlaqədar layihənin ən böyük texniki problemlərindən biri idi:
“Bütün proses ümumilikdə 28 gün davam etdi, boru xəttinin döşənməsi isə 10 saatlıq işdən sonra başa çatdırıldı. Bu sahənin uzunluğu 422 metr təşkil edir. Bundan sonra səhra qrupları Studen-Kladenets bəndinin altında 1 420 metr uzunluğunda keçidin tikintisinə başlayacaq”
Qeyd edək ki, IGB layihəsinin infrastrukturu 2021-ci ilin sonuna kimi hazır olacaq. Boru kəmərinin ilkin buraxılış gücü ildə 3 milyard kubmetr qaza bərabər olacaq.
(Tərcümə: Orxan Nəbiyev)