Azərbaycan təkcə yerləşdiyi regionda deyil, həm də daha geniş coğrafi miqyasda böyük rol oynayır.
AzerTimes xəbər verir ki, bunu Qazaxıstanın dövlət başçısı Kasım-Jomart Tokayev Azərbaycan Prezidenti İlham Əliyevlə görüşdə deyib.
“Azərbaycanı müttəfiqimiz, strateji tərəfdaşımız hesab edirik. Biz hər zaman bu xəttə sadiq qalacağıq. Azərbaycan təkcə yerləşdiyi regionda deyil, həm də daha geniş coğrafi miqyasda böyük rol oynayır. Düşünürəm ki, bizim çoxlu ortaq cəhətlərimiz var. Söhbət müxtəlif sahələrdə əməkdaşlığı inkişaf etdirmək istəyindən gedir. Biz bunu Bakıda ətraflı müzakirə etdik”, – o vurğulayıb.
Dövlət başçısı iki ölkə arasında müxtəlif sahələrdə, o cümlədən humanitar sahədə ənənəvi əlaqələrin olduğunu və bu münasibətlərin davam etdiriləcəyini bildirib: “İndi “Orta Dəhliz” adlanan layihənin inkişafı gündəmdədir. Bu formatda işin davam etdirilməsində maraqlıyıq”.