Qara dənizin dibi ilə elektrik kabelinin çəkilməsi üzrə Azərbaycan, Macarıstan, Gürcüstan və Rumıniyanın birgə şirkəti Buxarestdə yerləşəcək.
AzerTimes xəbər verir ki, məlumatı Gürcüstanın İqtisadiyyat Nazirliyi yayıb.
“Tiflisdə Yaşıl Enerji Dəhlizi layihəsində iştirak edən ölkələrin energetika nazirlərinin görüşü baş tutub. Belə ki, Azərbaycan, Bolqarıstan, Macarıstan və Gürcüstanın nümayəndələri Qara dənizin dibi ilə kabel xəttinin çəkilməsi layihəsini müzakirə ediblər.
Tərəflər 4 ölkənin müştərək şirkətinin yaradılması və onun yerini müzakirə ediblər. Hazırkı mərhələdə Rumıniyanın paytaxtı Buxarestə baxılır”, – məlumatda bildirilib.