Xəbər - Ləman Zeynalova, tərcümə Orxan Nəbiyev – Trend:
Energetika məsələləri üzrə Avropa komissarı Kadri Simson və Qonşuluq və genişlənmə siyasəti məsələləri üzrə Avropa komissarı Oliver Varheyi “Cənub Qaz Dəhlizi” Məşvərət Şurasının 7-ci iclasında iştirak edəcək.
Bu barədə AzerTimes-a Avropa Komissiyasından bildiriblər.
Qeyd edək ki, komissarlar iclasa videoformatda qoşulacaqlar.
“Cənub Qaz Dəhlizi” Məşvərət Şurasının 1-ci iclası 2015-ci il fevralın 12-də, 2-ci iclası 2016-cı il fevralın 29-da, 3-cü iclası 2017-ci il fevralın 23-də, 4-cü iclası 2018-ci il fevralın 15-də, 5-ci iclası 2019-cu il fevralın 20-də, 6-cı iclası 2020-ci il fevralın 28-də keçirilib.