Bu gün AVRO-2020 futbol üzrə Avropa çempionatı çərçivəsində Bakıda sonuncu oyun, dörddəbir final mərhləsinin matçı keçirilir.
AzerTimes-ın məlumatına görə, saat 20:00-da Bakı Olimpiya Stadionunda Danimarka və Çexiya millilərinin qarşılaşması başlayıb.
Bu matçın qalibi yarımfinalda İngiltərə-Ukrayna cütünün qalibi ilə qarşılaşacaq. Yarımfinalın digər matçında İtaliya və İspaniya üz-üzə gələcək.
Qeyd edək ki, AVRO-2020 çərçivəsində Bakıda A qrupunun üç matçı keçirilib. İyunun 12-də ilk oyunda Uels İsveçrə ilə 1-1 oynayıb. İyunun 16-da Türkiyə Uelsə 2-0, iyunun 20-də İsveçrəyə 3-1 hesab ilə məğlub olub.
Turnirin yarımfinal və final matçları Londonun “Uembli” stadionunda baş tutacaq.