Avropa Parlamenti (AP) NATO-nu tamamlayacaq sabit təhlükəsizlik və müdafiə alyansının yaradılmasını zəruri hesab edir.
AzerTimes xəbər verir ki, bu sözləri Avropa Parlamentinin (AP) sədri Roberta Metsola deyib.
O bildirib ki, müdafiə bloku Şimali Atlantika Alyansını tamamlamaq və kiçik ölkələrə kömək üçün nəzərdə tutulub:
“Təhlükəsizlik infrastrukturunu gücləndirməliyik. Buna görə də biz NATO-nu tamamlayacaq və Moldova və onun kimi digər ölkələrdə ciddi insidentlərin qarşısını almağa kömək edəcək sabit təhlükəsizlik və müdafiə alyansı yaratmalıyıq”.