Azərbaycan Respublikasının Vəkillər Kollegiyasının (ARVK) sədri Anar Bağırov Qazaxıstanda xüsusi medalla təltif edilib.
Bu barədə AzerTimes-a Kollegiyadan məlumat verilib.
Qeyd olunub ki, VK-nin sədri A.Bağırov Qazaxıstan Milli Vəkillər Kollegiyasının (QMVK) Rəyasət Heyətinin qərarı ilə Qazaxıstan vəkilliyinin inkişafındakı müstəsna xidmətlərinə görə xüsusi medalla təltif olunub.
Eyni zamanda A.Bağırov qazaxıstanlı həmkarı Aidyn Bikebayevə QMVK-nın emblemini əks etdirən xatirə xalçası hədiyyə edib.
Qeyd edək ki, cari ilin 5-7 oktyabr tarixlərində ARVK sədri A.Bağırovun rəhbərlik etdiyi nümayəndə heyəti QMVK-nın dəvəti ilə “Qanunun aliliyinə əsaslanan güclü vəkillik peşəsi” adlı VII Qazaxıstan Beynəlxalq Vəkillər Forumunda iştirak edib.