“Alibaba Group”un həmtəsisçisi, çinli milyarder Cek Ma Çin hakimiyyəti ilə təxminən iki il davam edən münaqişə ucbatından şəxsi sərvətinin 30 milyard dollarını itirib.
AzerTimes xəbər verir ki, bu barədə “Business Insider” məlumat yayıb.
“Çinin Mərkəzi Bankının Manın həmtəsisçisi olduğu texnoloji nəhəng “Ant Group”a 7,12 milyard yuan (cari məzənnə ilə 985 milyon dollar) cərimə tətbiq etməsindən sonra iş adamının sərvəti rekord həddə düşüb. İyulun 12-də Manın sərvəti təxminən 30 milyard dollar olub, bu, Pekin ilə münaqişə başlamazdan əvvəl onun şəxsi maliyyəsinin yarısı idi”, – məlumatda deyilir.
Qeyd edək ki, milyarder 2020-ci ilin oktyabrında Çinin maliyyə tənzimləmə sistemini tənqid edib. Bundan sonra Pekin onun “Alibaba” və “Ant” da daxil olmaqla, bütün bizneslərini izləməyə başlayıb.