Ukraynada hərbi vəziyyət dövründə seçkinin keçirilməsi dövlətin “çökməsinə” səbəb ola bilər.
AzerTimes xəbər verir ki, bu barədə Ukrayna Ali Radanın rəhbəri Ruslan Stefançuk deyib.
“Biz Ukraynadan kənarda olan 7 milyona insan üçün səsverməni necə təşkil edəcəyimizi bilmirik. Əgər müharibə zamanı seçki keçirilsə, bu, dövlətin dağılmasına səbəb ola bilər. Ölkədə hərbi vəziyyət ləğv edildikdən sonra seçkinin keçirilməsi məntiqlidir”, – o bildirib.
Qeyd edək ki, Ukraynada parlament seçkisi payızda keçiriləcək. Lakin 2022-ci il fevralın 24-dən ölkədə hərbi vəziyyət rejimi tətbiq edilib ki, bu müddət ərzində qanuna görə seçki keçirilə bilməz.