Xankəndi-Laçın yolunda təşkil edilən aksiyanın on birinci günü axşam saatlarında da dinc şəraitdə davam edib.
AzerTimes xəbər verir ki, bu dəfə etirazçılar plakatlarla yanaşı, üstündə “Stop ecocıde” (Ekoterrora son) yazılan böyük şar qaldırıblar. Eyni zamanda, “Ekocinayətə son”, “Azərbaycan oyaqdır, sərvətinə dayaqdır”, “Sərvətimiz bölünməz, heç bir kəsə verilməz”, “Azərbaycan vahiddir, sərvətinə sahibdir” şüarları səsləndirilib.
Etirazçılar qeyd ediblər ki, aksiya Azərbaycan ictimaiyyətinin haqlı narazılığının ifadəsidir və vətəndaş cəmiyyətinin bu mövqeyinə hörmət göstərilməlidir.
Onlar yüksək əhval-ruhiyyədədirlər və vətənpərvər mövqedən çıxış edərək aksiyanı davam etdirməkdə qərarlıdırlar.