Seçkilərin 2-ci turu ilə bağlı dəyərləndirməmizi etdik. Qarşıdakı dönəmdə eyni siyasi dəyərlərlə kampaniyamızı davam etdirəcəyik.
AzerTimes xəbər verir ki, bu barədə Türkiyənin hakim Ədalət və İnkişaf Partiyasının (AKP) sözçüsü Ömər Çelik deyib.
“Prezidentimiz seçkidə açıq-aydın önə çıxdı. Müxalifət bütün antidemokratik davranışları sərgilədi. Ənənəvi CHP “klassika”sına şahid olduq. Dünən Anadolu Agentliyinin, partiyamızın məlumatlarını manipulasiya adlandırdılar. Dünənki manipulasiyalar İmamoğlu və Yavaşın açıqlamalarıdır. “13-cü prezident Kılıçdaroğlu”nun adından danışırıq – dedilər. Seçki bitməmiş, prezidenti “elan etdilər”, – deyə Ö.Çelik bildirib.