Avropa İttifaqı (Aİ) Ukraynadakı “hərbi əməliyyat”a görə beşinci
sanksiyalar paketi çərçivəsində Rusiyanın 217 iş adamı, siyasətçisi
və jurnalistinə qarşı məhdudlaşdırıcı tədbirlər tətbiq edib.
AzerTimes-ın
məlumatına görə, bu barədə Aİ-nin rəsmi jurnalında qeyd olunub.
Aİ vurğulayıb ki, onların arasında “yüksək vəzifəli Kreml
rəsmiləri, iş adamları – Moşe Kantor, Boris Rotenberq və Oleq
Deripaska, enerji, maliyyə, media, müdafiə və hərbi sənaye kimi
iqtisadiyyatın əsas sektorlarında çalışan digər tanınmış iş
adamları, o cümlədən dezinformasiyanın, informasiyanın
manipulyasiyasının, Ukraynadakı vəziyyətlə bağlı Kreml tərəfindən
sistematik olaraq yalan məlumatların yayılmasının tərəfdarları”
var.