İsrailin son 30 ildəki strateji səhvi o idi ki, biz həmişə ahtapotun qolları ilə vuruşmuşuq, nadir hallarda da onun Tehrandakı başını vurmuşuq.
AzerTimes xəbər verir ki, bunu İsrailin keçmiş baş naziri Naftali Bennett X sosial şəbəkəsində yazıb.
“Son 30 ildə İran hökuməti proksi qüvvələri vasitəsilə regionu dağıdıb. Bu dəhşətli ahtapotun başı Tehranda, qolları isə Livan, Yəmən, İraq, Suriya və Qəzzadadır. Bu yanaşma indi dəyişməlidir. Tehran bunun əvəzini ödəməlidir”, – Bennett bildirib.
Keçmiş baş nazir Prezident Co Baydenin ABŞ-ın İrana qarşı heç bir hücum əməliyyatında iştirak etməyəcəyi ilə bağlı açıqlamasına da münasibət bildirib:
“Bizim üçün kimsənin döyüşməsini gözləmirik, bunu özümüz edəcəyik, müttəfiqlərimizin bizə dəstək verməsini isə istəyirik. Xüsusən də vəziyyət çətinləşəndə. İndi də vəziyyət ağırdır. Elə isə yanımızda durun, qorxunc və barbar rejimləri məğlub etməkdə bizə kömək edin”.