Xəbər - Samir Əli – Trend:
Bakı Ağır Cinayətlər Məhkəməsində Abşeron rayonunda istirahət
mərkəzlərinin birində qətl törətməkdə təqsirləndirilən İbrahim
Muxtarovun işi üzrə məhkəmə prosesi başa çatıb.
AzerTimes-ın məlumatına görə, hakimi Faiq Qəniyevin sədrliyi ilə
keçirilən prosesdə təqsirləndirilən şəxsə hökm oxunub.
Məhkəmənin hökmü ilə o, 18 il azadlıqdan məhrum edilib.
İttihama görə, hadisə 2014-cü ilin avqustun 16-da Abşeron
rayonunda yerləşən istirahət mərkəzlərinin birində qeydə
alınıb.
İ.Muxtarov istirahət mərkəzində Böyükağa Əliyevi qətlə
yetirib.
İstintaq orqanları tərəfindən İ.Muxtarovun barəsində Cinayət
Məcəlləsinin 120.2.2-ci (qəsdən adam öldürmə, xuliqanlıq niyyəti
ilə adam öldürmə) maddəsi ilə ittiham irəli sürülüb.