ABŞ-ın “SIG Sauer” silah şirkəti zirehli gödəkçələri dələ bilən “MCX-SPEAR” hücum tüfəngini mülki şəxslər üçün satışa çıxarıb.
AzerTimes xəbər verir ki, bu barədə şirkətdən məlumat verilib.
“O, hazırda hüquq-mühafizə orqanları tərəfindən geyilən demək olar ki, bütün gülləkeçirməz jiletlərə nüfuz edəcək”, – amerikalı silah eksperti Rayan Busse bildirib.
Məlumata görə, silah AR-15 avtomatından iki dəfə çox kinetik enerji ilə güllə atır, daha uzun məsafədə hədəfi məhv etmək qabiliyyətinə malikdir.
“MCX-SPEAR” ABŞ ordusunun istifadə etdiyi “NGSW-R” (Next Generation Squad Weapon-Rifle) silahının mülki analoqudur.