ABŞ və Çin mübahisəli məsələləri həll etmək üçün işçi qruplar yaratmağı planlaşdırır.
AzerTimes xəbər verir ki, bu barədə “Faynənşl Tayms” nəşri mənbələrə istinadən məlumat yayıb.
Nəşr qeyd edir ki, bu, ikitərəfli münasibətlərdə ABŞ dövlət katibi Entoni Blinkenin iyun ayında Pekinə səfəri ilə başlayan bir sıra yüksək səviyyəli danışıqların nəticəsi kimi irəliləyişdir.
Mənbələrin sözlərinə görə, Vaşinqton və Pekin regional Asiya-Sakit okean və dəniz məsələləri ilə məşğul olacaq iki işçi qrupu yaradacaq. Eyni zamanda daha geniş sahələri əhatə edən üçüncü qrup da yaradıla bilər.
ABŞ və Çin rəsmilərinin yaxın aylarda detallara aydınlıq gətirəcəyi qeyd olunur.