ABŞ və Avropa Birliyi İran İslam İnqilabı Keşikçiləri Korpusu ilə bağlı eyni mövqedədir.
AzerTimes xəbər verir ki, bunu ABŞ Dövlət Departamentinin sözçüsü Ned Prays deyib.
O, SEPAH-ın təhdidlərinə qarşı birgə işləməyin vacibliyinə toxunub:
“Avropa Birliyində bu hərəkətlər dünyada İranın terrorizmin əsas sponsoru kimi tanınmasına işarədir. Beynəlxalq arenada İrandan daha pis terror ixracatçısı yoxdur. ABŞ və avropalı müttəfiqlərimiz arasında bununla bağlı heç bir fikir ayrılığı yoxdur”.
Qeyd edək ki, Avropa Parlamenti yanvarın 18-i SEPAH-ın adının terror təşkilatları siyahısına daxil edilməsiylə bağlı plana düzəliş etmək üçün səs verib.